XIV International Congress of Celtic Studies

Hed yn XIVoo Chohionnal Eddyrashoonagh ry-hoi Studeyryssyn Celtiagh er cummal 1-5oo Luanistyn 2011 ec Ollooscoill Ashoonagh Nerin, Mathnuad.

She yn Cohionnal Eddyrashoonagh shoh yn chaglym acadoil smoo ry-hoi Studeyryssyn Celtiagh. T’eh goll er cummal gagh kiare bleeaney, as t’eh tayrn huggey schoillaryn as anaase oc er ny cooishyn earrooagh t’ayns Studeyryssyn Celtiagh. Ta’n Chiarroo Chohionnal Jeig goll er reaghey liorish kuse dy Ollooscoillyn as undinyssyn cultooroil ayns ard Ghivlyn fo skian y Scoill jeh Studeyryssyn Celtiagh, Undinys Ghivlyn ry-hoi Ard-studeyryssyn.

Ec y Chohionnal, bee pabyryn er nyn livrey mychione gagh tro jeh cultoor as shiveealtaght Cheltiagh, veih lhingyn feer henn gys y traa t’ayn jiu. Cooishyn t’er dayrn anaase mooar huc ec cohionnalyn roish shoh, t’ad goaill stiagh Lettyraght as Chengaghyn ny Eashyn Meanagh, Mytoaylleeaght, Shenndaaleeaght, Shennoayll-eeaght, Beeal-arrish, Ellyn as Kiaull. Ta reaish lhean y Chohionnal cur er dy ve myr forym tayrnagh as scanshoil dauesyn ta gobbraghey ayns rheynnyn acadoil elley, agh ta nyn anaaseyn bentyn dy eddrym rish seihll Studeyryssyn Celtiagh.

Chammah as skedjal ny taghyrtyn acadoil, ta slane chlaare dy immeeaghtyn sheshoil as eunysseyragh goll er reaghey. Gowee shoh stiagh turryssyn, oltaghyn as taghyrtyn cultooroil.

Ta olteynys y Chohionnal ry-gheddyn dauesyn ooilley as anaase oc er Studeyryssyn Celtiagh. Erskyn ooilley, hed failt er cur er schoillaryn aegey as orroosyn nagh daink gys Cohionnal Celtiagh Eddyrashoonagh roish shoh.

Ta daaytyn-recortyssee ry-gheddyn er yn ynnyd-eggey shoh, as fysseree mychione recortyssey as livrey pabyryn ec y Chohionnal, bee eh er ny chur seose gys daayt dy reiltagh. Chammah as shen, foddee oo sheeyntoosey dy gheddyn list postagh foagrey (hig niaghtyn mychione y Chohionnal huggey) liorish cur post-L follym gys This e-mail address is being protected from spambots. You need JavaScript enabled to view it . Ta’n enmys post-L shoh coadit veih spambotyn. Ta feme er JavaScript breeoil eh y ’akin.

Ta Mathnuad ny valley-ollooscoill mysh 24km my-heear veih Divlyn. Cha nel agh un ollooscoill ayns Nerin ta ny shinney na ollooscoill Vathnuad, va currit er bun sy vlein 1795. Shimmey shenn troggal t’ayns y champus. Ny kianglaghyn raad-yiarn, raad as barroose eddyr Mathnuad as Divlyn, t’ad mie er-bashtal. Bee aaght da chaghteryn y Chohionnal ry-gheddyn ayns yn ollooscoill. Sleih ta kiarail cheet dy ve nyn olteynyn, ta coyrle currit daue dy ghoaill vondeish jeh recortyssey dy leah. Ta shoh shickyraghey dy vow ad aaght er y champus ec raayt leodit, chammah as eeck tailley-recortyssee er-lheh.

Tooilley mynphointyn mychione y Chohionnal as fysseree noa, hed shen er postal er yn ynnyd-eggey shoh.

Ta shin jeeaghyn roin dy chur failt ort gys y Chohionnal.