XIV International Congress of Celtic Studies

Y hwyrvydh an XIV Kuntelles Keswlasek a Studhyansow Keltek dhyworth 1–5 mis Est 2011, orth an National University of Ireland, Maynooth.

An Kuntelles Keswlasek a Studhyansow Keltek, synsys pub peder bledhen, yw an brassa kuntellyans akademek yn y bark hag y tenn skoloryon neb a’s teves les y’n rannow dyffrans a Studhyansow Keltek. Restrys a vydh an Peswardhegves Kuntelles gans niver a bennskolyow ha fondyansow gonisogethek y’n ranndir Dulynn yn-dann dasogeth an School of Celtic Studies, Dublin Institute for Advanced Studies.

Der an Kuntelles, y fydh lennys paperyow war bub tremmyn a wonisogeth ha hwarheans Keltek, dhyworth termynyow an a-varra bys y’n jydh hedhyw. Lownow re dennas meur a les orth kyns kuntelesow a syns ynna Lyen ha Yethow Kresosel hag Arnowyth, Mythologieth, Istori, Lyen Gwerin, Art hag Ilow. Dornva efan an Kuntelles a’n gwra forum tenvosek ha posek rag an re neb a ober yn parkow akademek erel mes a’s teves les hag a doch war an bys a Studhyansow Keltek.

Ynwedhek dhe’n dowlen a dharvosow akademek, y fydh restrys towlen gowethasek ha didhan leun. Homm a wra synsi ynni niver a dornow, degemeryansow ha darvosow gonisogethek. Nebes displetyansow a hwyrvydh der an Kuntelles.

Eseleth an Kuntelles yw ygor dhe bub huni ha ganso les yn Studhyansow Keltek. Skoloryon Yowynka ha’n re na wrug dos kyns dhe Guntelles Keltek Keswlasek a vydh dynerhys yn arbennek.

Dedhyow Kovskrifans yw synsys war an wiasva ma, ha kedhlow a-dro dhe govskrifa ha lenna paper orth an Kuntelles a vydh nowythhes yn kompes. Y hyllir ynwedh ragbrena dhe rol bostya gwarnyans, may fydh danvenys pub tra a nowodhow rag an Kuntelles, dre dhannvon e-bost gwag dhe This e-mail address is being protected from spambots. You need JavaScript enabled to view it .

Maynooth yw tre bennskol desedhys a-dro dhe 24km dhe’n west a Dhulynn. An bennskol, fondys yn 1795, yw an nessa kottha yn Iwerdhon, ha’n kampus a’n jeves niver bras a dhrehevyansow istorek. Yma mellow kyttrin, fordh ha hynshorn kooth ynter Maynooth ha Dulynn. Y fydh ostyans rag kanasow an Kuntelles kavadow y’n bennskol. Eseli dhevedhek yw komendys dhe gemeres prow a govskrifans a-varr hag a’n jeves an mewgh a ostyans war-gampus orth kevradh lehes, dres gober kovskrifa arbennek.

Y fydh manylyon pella a-dro dhe’n Kuntelles ha kedhlow diwettha postys war an Wiasva ma.

Ni a wayt agas dynerhi dhe’n Kuntelles.